– baǵıtlanǵan kesindi. Bası (baslanıw noqatı) $A$ hám aqırı $B$ bolǵan vektor $\overrightarrow{AB}$ arqalı belgilenedi (geyde strelka ornına sızıqsha qoyıladı). Vektor bir kishi latın háribi menen de belgilenedi: $\vec{a}$, $\vec{b}$, $\vec{c}$. $AB$ kesindiniń uzınlıǵı vektordıń moduli delinedi hám $|\overrightarrow{AB}|$ arqalı belgilenedi. Bası aqırı menen ústpe-úst túsetuǵın vektor nol-vektor dep ataladı hám $\vec{0}$ arqalı belgilenedi. Nol-vektor baǵıtqa iye emes, onıń uzınlıǵı nolge teń. Eger eki $\overrightarrow{AB}$ hám $\overrightarrow{CD}$ vektorları bir baǵıtlas bolsa hám $|\overrightarrow{AB}|=|\overrightarrow{CD}|$ bolsa, onda olar teń vektorlar dep ataladı.