– $\dfrac{d x_i}{dt}=f_i(t, x_1, x_2, \ldots, x_n)$, $i=1, 2, \ldots, n$ ápiwayı differenciallıq teńlemeler sistemasınıń birinshi integralı dep, usı sistemadan keltirilip shıǵarılǵan, $t$ ǵárezsiz ózgeriwshini hám sistemanıń $x_1, x_2, \ldots, x_n$ belgisiz funkciyaların baylanıstıratuǵın $\varphi(t, x_1, x_2, \ldots, x_n)=C$ túrindegi shekli teńlemege aytıladı. Bul teńlemege sistemanıń hár qanday $x_1=x_1(t)$, $x_2=x_2(t)$, $\ldots$, $x_n=x_n(t)$ sheshimlerin qoyǵanda, ol $C$ nıń bazıbir mánisinde birdeylikke aylanadı.