– bir ózgeriwshili teńsizliklerdi sheshiw usılı bolıp, ol úzliksiz funkciyalardıń mına qásiyetine tiykarlanǵan: eger $(a, b)$ intervalda $f(x)$ funkciyası úzliksiz bolsa hám nolge aynalmasa, onda ol usı intervalda belgisin saqlaydı. Meyli $f(x)$ funkciya $I$ intervalda úzliksiz hám usı intervaldıń shekli sandaǵı noqatlarında nolge aylanatuǵın bolsın. Usı noqatlar menen $I$ intervalı hár birinde $f(x)$ turaqlı belgi saqlaytuǵın intervallarǵa ajıratıladı. Bul belgini anıqlaw ushın usınday hár bir interval ushın qanday da bir noqattaǵı funkciyanıń mánisin esaplaw jetkilikli. Bul belgini koordinatalıq tuwrıda belgilep qoyıw qolaylı boladı.