– usı ózgeriwshilerdiń ekinshi dárejeli birtekli kópaǵzalısı: $F({{x}_{1}},{{x}_{2}},\ldots,{{x}_{n}})=\sum\limits_{i=1}^{n}{{}}\sum\limits_{j=1}^{n}{{{a}_{ij}}{{x}_{i}}{{x}_{j}}}$. Kvadratlıq forma $A=({{a}_{ij}})$ kvadrat matricası menen xarakterlenedi. Kompleks sanlar maydanında sızıqlı túrlendiriw járdeminde kvadratlıq forma $$y_{1}^{2}+y_{2}^{2}+\ldots+y_{k}^{2}, \ k\le n, \ {{y}_{i}}=\sum\limits_{j=1}^{n}{{{b}_{ij}}{{x}_{j}}}, \ i=\overline{1, n}$$ túrine keledi. Haqıyqıy sanlar maydanında sızıqlı túrlendiriw járdeminde kvadratlıq forma $$y_{1}^{2}+y_{2}^{2}+\ldots+y_{s}^{2}-y_{s+1}^{2}-\ldots-y_{k}^{2}, \ k\le n,$$ $$y_i=\sum\limits_{j=1}^{n}{{{b}_{ij}}{{x}_{j}}}, \quad i=\overline{1, n}$$ túrine keledi. Bunda oń hám teris kvadratlardıń ayırması kvadratlıq formanı bul túrge keltiriw usılına baylanıssız boladı.