– $u(x)dv(x)$ ańlatpasınıń integralın $v(x)du(x)$ ańlatpasınıń integralına keltiriw arqalı esaplaw usılı. Anıq integral ushın bóleklep integrallaw formulası tómendegi túrde boladı: $$\int\limits_{a}^{b}u(x)dv(x)=u(b)v(b)-u(a)v(a)-\int\limits_{a}^{b}v(x)du(x).$$ Bul formula $u(x)$, $v(x)$ funkciyaları hám olardıń $u^{\prime}(x)$, $v^{\prime}(x)$ tuwındıları $a\leq x\leq b$ aralıǵında úzliksiz bolǵanda orınlı boladı. Anıq emes integral ushın bóleklep integrallaw formulası $$\int u(x)dv(x)=u(x)v(x)-\int v(x)du(x)$$ kóriniske iye boladı.