– algebranıń tiykarǵı teoremasınıń eń kóp tarqalǵan dálillemeleriniń birine arnalǵan lemma. Dalamber lemması kompleks koefficientli, dárejesi $n\geq1$ hám $x=x_0$ de nolge aynalmaytuǵın, yaǵnıy $f(x_0)\neq 0$ bolǵan hár qanday $f(x)$ kópaǵzalısı ushın (modulı boyınsha qálegenshe kishi) $h$ kompleks sanı tabılıp, $|f(x_0+h)|<|f(x_0)|$ bolatuǵının tastıyıqlaydı. Dalamber lemması geometriyalıq jaqtan $|f(x)|$ funkciyası nolden ózgeshe minimumǵa erise almaytuǵının ańlatadı.