– bazıbir noqatta differencialı bar bolǵan funkciya. $\newline$ Bir ózgeriwshili funkciya ushın bul shárt tuwındınıń bar bolıwına teń kúshli. Kóp ózgeriwshili funkciya differenciallanıwshı funkciya bolıwı ushın birinshi tártipli barlıq dara tuwındılarınıń bar bolıw shártine olardıń úzliksizlik shártin qosıw zárúr. Eger funkciya bazıbir oblasttıń barlıq noqatlarında differenciallanıwshı bolsa, onda ol funkciya sol oblastta differenciallanıwshı funkciya dep ataladı. Eger kóp ózgeriwshili funkciyanıń barlıq dara tuwındıları bar hám úzliksiz bolsa, onda ol úzliksiz differenciallanıwshı funkciya delinedi. Funkciya $n$ márte differenciallanıwshı funkciya yamasa sheksiz differenciallanıwshı funkciya dep ataladı, eger $n$-tártipli yamasa sáykes túrde, qálegen $n=1, 2, \ldots$ tártipli differencialı bar bolsa. Hár qanday differenciallanıwshı funkciya úzliksiz; keri tastıyıqlaw orınlı emes: birde noqatta tuwındıǵa iye bolmaytuǵın úzliksiz funkciyalar da bar.