– shegaralanǵan úzliksiz koefficientlerge iye ápiwayı differenciallıq teńlemelerdiń $\dot{x}=A(t)x$, $x\in E^{n}$, $t\ge 0$ sızıqlı sistemasınıń sonday qásiyeti, $E^{n}=E^{m}+E^{n-m}$ jayılması bar bolıp, $K, \ L, \ \alpha, \ \beta$ oń turaqlılar bolǵanda $$x(0)\in E^{m} \ \Rightarrow \ \|x(t)\|\le K\|x(\tau)\|\exp\left[-\alpha(t-\tau)\right], \ t\ge\tau\ge 0;$$ $$x(0)\in E^{n-m}\Rightarrow \|x(t)\|\le L\|x(\tau)\|\exp\left[-\beta(\tau-t)\right], \ \tau\ge t\ge 0$$ bahalawları orınlı. Bul qásiyet eksponenciallıq dixotomiya dep, al $\alpha=\beta=0$ bolǵanda ápiwayı dixotomiya dep ataladı. Eksponenciallıq dixotomiyanıń bar bolıwı $\dot{x}=A(t)x+f(t)$ birtekli emes sızıqlı sistema $f(t), \ t\ge 0$ - qálegen shegaralanǵan úzliksiz funkciya bolǵanda $[0, \infty)$ yarım kósherde eń keminde bir shegaralanǵan sheshimge iye bolıwı menen teń kúshli boladı. Dixotomiya teoriyası Banax keńisliklerindegi teńlemeler ushın da ulıwmalastırılǵan, sonday-aq, tegis kópobrazlıqlardaǵı aǵımlardı hám sarqıramalardı (kaskadlardı) úyreniw ushın da paydalanıladı. Grekshe $\delta\iota\chi\alpha$ - eki bólekke hám $\tau o\mu\eta$ - kesim.