– 1) Sanlar teoriyasındaǵı Dirixle principi («yashikler» principi) - $n+1$ elementten ibarat bolǵan kóplik $n$ klassqa ajıratılǵanda klasslardıń birinde hesh bolmaǵanda eki element boladı degen tastıyıqlaw. Bul ápiwayı qaǵıyda sanlar teoriyasınıń áhmiyetli teoremaların dálillewde qollanıladı. $\newline$ 2) Garmonikalıq funkciyalar teoriyasındaǵı Dirixle principi - $G$ oblastınıń shegarasında berilgen mánislerdi qabıl etetuǵın barlıq múmkin bolǵan mánisleri ishinde $$\iiint\limits_{G}\left[\left(\frac{\partial u}{\partial x}\right)^2+\left(\frac{\partial u}{\partial y}\right)^2+\left(\frac{\partial u}{\partial z}\right)^2\right]dxdydz$$ integralı eń kishi mániske erisetuǵın funkciya usı oblastta garmonikalıq funkciya boladı. Dirixle principi matematikalıq fizikada kóp qollanıwlarǵa iye.