– $x^2+px+q=0$ keltirilgen kvadrat teńlemeniń hám onıń korenleri arasındaǵı tómendegi ǵárezlilikti ornatıwshı teorema: $x_1+x_2=-p$ hám $x_1\cdot x_2=q$, bunda $x_1$ hám $x_2$ - usı teńlemeniń korenleri, yaǵnıy keltirilgen kvadrat teńlemeniń korenleriniń qosındısı qarama-qarsı belgi menen alınǵan ekinshi koefficientke teń, al korenlerdiń kóbeymesi erkin aǵzaǵa teń. Ulıwma túrde $ax^2+bx+c=0$ kvadrat teńlemesi ushın bul Viet formulaları tómendegi túrge iye: $x_1+x_2=-\displaystyle\frac{b}{a}$ hám $x_1\cdot x_2=\displaystyle\frac{c}{a}$. Viet teoremasına keri teorema da orınlı: eger $m$ hám $n$ sanlarınıń qosındısı $-p$ ǵa teń, al kóbeymesi $q$ ǵa teń bolsa, onda bul sanlar $x^2+px+q=0$ teńlemeniń korenleri boladı.