– matematikanıń ishinde hám onıń qollanıwlarında kelip shıǵatuǵın diskret strukturalardıń qásiyetlerin úyreniw menen shuǵıllanatuǵın matematikanıń bir tarawı. Bunday strukturalarǵa, máselen, shekli gruppalar, shekli graflar, sonday-aq, informaciyalardı túrlendiriwlerdiń bazıbir matematikalıq modelleri, shekli avtomatlar, Tyuring mashinaları hám t.b. jatadı. Bular finitlik (shekli) xarakterge iye strukturalardıń mısalları. Olardı úyrenetuǵın diskret matematikanıń bólimi shekli matematika dep ataladı. Geyde bul túsinikti diskret matematikaǵa shekem keńeytedi. Atap ótilgen finitlik strukturalardan basqa diskret matematikada bazıbir algebralıq strukturalar, sheksiz graflar, belgili túrdegi esaplaw sxemaları, kletkalıq avtomatlar hám t.b. strukturalar úyreniledi. Geyde «diskret matematika» hám «shekli matematika» túsinikleriniń sinonimi sıpatında «diskret analiz» termini de qollanıladı. Diskret matematikadan ózgeshe túrde klassikalıq matematika úzliksiz xarakterdegi obyektlerdiń qásiyetlerin úyreniw menen shuǵıllanadı.