– $A$ hám $B$ waqıyalarınıń kóbeymesi dep, $A$ hám $B$ waqıyalarınıń ekewi de bir waqıtta júzege asqanda júzege asatuǵın $A\cdot B=A\cap B$ waqıyaǵa aytıladı. Ulıwma jaǵdayda, birneshe waqıyalardıń kóbeymesi dep, bul waqıyalardıń barlıǵı da bir waqıtta júzege asqanda júzege asatuǵın waqıyaǵa aytıladı. Eger $A$ hám $B$ waqıyalar óz ara ǵárezsiz bolsa, onda $P(A\,|\,B)=P(A)$ bolıp, $P(A\cdot B)=P(A)\cdot P(B)$ teńligi orınlı boladı, yaǵnıy $A$ hám $B$ ǵárezsiz waqıyalarınıń birgelikte júzege asıw itimallıqlarınıń kóbeymesine teń boladı.