– tegisliktegi sonday tegis iymek sızıq, onıń qálegen $P$ noqatınıń sol tegislikte anıq belgilengen $F_1(-c,0)$ hám $F_2(c,0)$ noqatlarına (ellipstiń fokuslarına) shekemgi $r_1=F_1P$ hám $r_2=F_2P$ aralıqlarınıń qosındısı turaqlı: $r_1+r_2=2a,$ bunda $2a>2c=\overline{F_1F_2}$. Bul $F_1F_2$ kesindisiniń (fokuslıq aralıqtıń) ortası bolǵan $O$ noqatı ellipstiń orayı dep ataladı. Koordinatalar bası ellipstiń $O$ orayında bolǵan $Oxy$ tuwrımúyeshli koordinatalar sistemasında, onıń $Ox$ kósherinde ellipstiń fokusları jatqanda ellipstiń teńlemesi tómendegi kanonikalıq túrge iye boladı: $$\dfrac{x^2}{a^2}+\dfrac{y^2}{b^2}=1,$$ bunda $b^2=a^2-c^2,$ $a=OA=OB$, $b=OC=OD$ - ellipstiń úlken hám kishi yarım kósherleriniń uzınlıqları. $a=b$ bolǵan jaǵdayda $F_1$ hám $F_2$ fokuslar ústpe-úst túsedi hám kórsetilgen teńleme ellipstiń dara jaǵdayı retinde qaralatuǵın sheńberdiń teńlemesin anıqlaydı.