– tegisliktiń bazıbir oblastında, úsh ólshemli yamasa $n$ ólshemli keńislikte berilgen funkciyalardan alınǵan integral. Eseli integraldı ádette eki eseli, úsh eseli hám t.b. $n$ eseli integrallar dep ataydı. $n$ eseli integral - qos integral hám úsh eselik integral túsiniklerin ulıwmalastırıw bolıp, ol $n$ ózgeriwshili funkciyadan alınǵan anıq integral; belgileniwi: $$\int \dots \int\limits_{D}f(x_1, x_2, \ldots, x_n)dx_1 dx_2\ldots dx_n,$$ bunda $f$ - integrand yamasa integral astı funkciya dep, al $D$ - integrallaw oblastı dep ataladı. Eseli integrallardı izbe-iz túrde esaplanılatuǵın ádettegi integrallarǵa alıp keliwge boladı.