– Evklid geometriyasındaǵı parallel tuwrılar teoriyası hám geometriyanıń oǵan baylanıslı barlıq bólimleri tiykarlanatuǵın postulat. Bul aytım tómendegi aytımlarǵa ekvivalent (teń kúshli): a) tuwrıǵa júrgizilgen perpendikulyar hám qıya barlıq waqıtta kesilisedi; b) úshmúyeshliktiń ishki múyeshleriniń shamalarınıń qosındısı $2d$ ǵa yamasa $180^{\circ}$ qa teń; c) parallel tuwrılar bir-birinen teńdey qashıqlıqta jaylasadı; d) bir tuwrıda jatpaytuǵın hár qanday úsh noqat arqalı sheńber júrgiziwge boladı; e) berilgen $a$ tuwrısında jatpaytuǵın $A$ noqatı arqalı, usı $a$ tuwrısı hám $A$ noqatı arqalı anıqlanǵan tegislikte $a$ tuwrısın kespeytuǵın tek ǵana bir tuwrı júrgiziwge boladı, hám basqalar. Besinshi postulat problemasın N. I. Lobachevskiy sheshti.