– $y=\sin x$ teńlemesi $\left[-\dfrac{\pi}{2}; \dfrac{\pi}{2}\right]$ aralıqta $x$ ózgeriwshige qarata bir mánisli sheshiledi hám bul koren $x=\text{arcsin}y$ kóriniste jazıladı. Bul teńlik penen $[-1; 1]$ kópliktiń hár bir $y$ elementine $\left[-\dfrac{\pi}{2}; \dfrac{\pi}{2}\right]$ kópliktiń tek ǵana bir $x$ elementin sáykes qoyıwshı arksinus funkciyası anıqlanadı. Anıqlanǵan bul sáykeslikte argumentti $x$ arqalı, al funkciyanı $y$ arqalı belgilep, onı $y=\text{arcsin}x$ kóriniste jazamız. $y=\text{arcsin}x$ funkciyası $y=\sin x$ funkciyaǵa keri funkciya boladı: yamasa sońǵı eki qatnas $\text{arcsin}a$ nı bılay talqılawǵa múmkinshilik beredi: $\text{arcsin}a$ bul, $-\dfrac{\pi}{2}$ den $\dfrac{\pi}{2}$ ge shekemgi aralıqta alınǵan bir san hám ol sannıń sinusı $a$ ǵa teń, bunda $-1\leq a\leq 1$.