– differenciallanıwshı funkciyanıń lokallıq ekstremumınıń zárúrli shárti. Meyli $f$ haqıyqıy funkciyası $x_0 \in R$ noqat dógereginde anıqlanǵan hám usı noqatta differenciallanatuǵın funkciya bolsın. Eger $f$ funkciyası $x_0$ noqatta lokallıq ekstremumǵa iye bolsa, onda onıń tuwındısı $x_0$ noqatta nolge teń: ${f}'\left( {{x}_{0}} \right)=0$. Geometriyalıq jaqtan bul $f$ funkciyasınıń grafigine $(x_0, f(x_0))$ noqatta júrgizilgen urınba gorizontal bolatuǵının ańlatadı. Kópaǵzalılardıń ekstremumları ushın usı shártke teń kúshli bolǵan shárt 1629-jılı P. Ferma tárepinen alınǵan (1679-jılı járiyalanǵan).