– matematikanıń eń áhmiyetli túsinikleriniń biri. Meyli $X$ hám $Y$ kóplikleri berilgen bolsın. Hár qanday $x\in X$ elementine birden-bir $y\in Y$ elementin sáykeslendiretuǵın $f\subset X\times Y$ sáykesligi funkciya yamasa funkcionallıq sáykeslik dep ataladı. $(X,f,Y)$ úshligi $X$ kópligin $Y$ kópligine sáwlelendiriw dep ataladı hám ol $f:X\rightarrow Y$ dep belgilenedi. Ádette, ol $f$, $g$, $\varphi$ h.t.b. háripler menen belgilenedi. $X$ kópligi funkciyanıń anıqlanıw oblastı, al $Y$ kópligi funkciyanıń mánisleriniń kópligi dep ataladı. $x\in X$ elementi ózgeriwshi yamasa argument dep, al $Y$ kópligindegi $y=f(x)$ elementi $x$ elementindegi funkciyanıń mánisi yamasa $f$ sáwlelendiriwindegi $x$ elementtiń obrazı dep ataladı. Funkciya bir yamasa birneshe analitikalıq ańlatpalar arqalı, sóz benen aytılatuǵın anıqlama arqalı, tablica arqalı yamasa grafikalıq usılda h.t.b. usıllarda beriliwi múmkin.