– funkciyalardıń ulıwma qásiyetlerin úyrenetuǵın matematikalıq analizdiń bólimi. Ádette, funkciyalar teoriyası degende, haqıyqıy ózgeriwshilerdiń funkciyalarınıń teoriyası túsiniledi. Kompleks ózgeriwshilerdiń funkciyalarınıń teoriyası analitikalıq funkciyalar teoriyasına tiyisli boladı. Haqıyqıy ózgeriwshilerdiń funkciyalarınıń teoriyası tiykarǵı úsh baǵdarǵa bólinedi: 1) funkciyalardıń deskriptiv teoriyası; 2) funkciyalardıń konstruktiv teoriyası; 3) funkciyalardıń metrikalıq teoriyası.