– funkciya ósiminiń sızıqlı bas bólegi. Eger $f(x)$ funkciyası $x\in(a, b)$ noqatta tuwındıǵa iye bolsa, yaǵnıy bul funkciyanıń $\Delta f$ ósimi ushın $\Delta x\rightarrow 0$ da $\Delta f=f'(x)\Delta x+o(\Delta)$ kórsetiliwi orınlı bolsa, onda $f'(x)\Delta x$ kóbeymesi $f(x)$ funkciyasınıń differencialı dep ataladı hám $df(x)$ simvolı menen belgilenedi, yaǵnıy $df(x)=f'(x)\Delta x$. Al, $dx=\Delta x$ bolǵanlıqtan, $df(x)=f'(x)dx$ boladı, yaǵnıy funkciyanıń differencialı onıń tuwındısınıń argument differencialına kóbeymesine teń. Geometriyalıq jaqtan funkciyanıń differencialı onıń grafigine júrgizilgen urınba boyınsha qozǵalıwshı noqattıń ordinatasınıń ósimin ańlatadı. Latınsha \textit{differentia} - ayrıqsha, ayırmashılıq, ózgeshelik.