– 1) Betliktiń tolıq iymekligin birinshi kvadratlıq formanıń koefficientleri hám olardıń tuwındıları arqalı ańlatatuǵın formula. Eger betlikte $(u, v)$ ortogonal koordinatalar sisteması berilgen bolsa, onda betliktiń sızıqlıq elementi $d s^2=A d u^2+B d v^2$ boladı hám Gauss formulası $$K=-\frac{1}{A B}\left[\left(\frac{B_u}{A}\right)_u+\left(\frac{A_v}{B}\right)_v\right]$$ kórinisinde jazıladı. 2) Anıq integraldı juwıq esaplaytuǵın tómendegi formula: $$\int\limits_a^b f(x) d x=(b-a)\left[A_1 f\left(x_1\right)+A_2 f\left(x_2\right)+\ldots+A_n f\left(x_n\right)\right],$$ bundaǵı $A_i, \, i=\overline{1, n}$ koefficientleri hám $x_i, i=\overline{1, n}$ abscissaları arnawlı túrdegi kestelerde beriledi.