– haqıyqıy tosınnanlı process $X=X(t)$, $t\in T$ bolıp, onıń qálegen shekli ólshemli bólistiriwleri Gauss bólistiriwleri boladı, yaǵnıy $X(t_1)$, $\ldots$, $X(t_n)$ shamalarınıń xarakteristikalıq funkciyaları qálegen $t_1$, $\ldots$, $t_n\in T$ ushın tómendegi túrge iye: $$\varphi_{t_1,\ldots,t_n}(u_1,\ldots,u_n)=\exp\left\{i\sum\limits_{k=1}^{n}A(t_k)u_k-\right.$$ $$\quad\quad\quad\quad\quad\quad\quad\quad\quad\left.-\frac{1}{2}\sum\limits_{k=1}^{n}B(t_k,t_j)u_ku_j\right\},$$ bunda $A(t)=EX(t)$ - matematikalıq kútiliw hám $$B(t,s)=E[X(t)-A(t)][X(s)-A(s)]$$ - korrelyaciyalıq funkciya. $X=X(t)$ Gauss procesiniń itimallıqlarınıń bólistiriliwi tolıǵı menen onıń $A(t)$ matematikalıq kútiliwi hám $B(t,s)$, $s$, $t\in T$ korrelyaciyalıq funkciyası menen beriledi. Qálegen $A(t)$ hám qálegen oń anıqlanǵan $B(t,s)$ funkciyası ushın ortasha mánisi hám korrelyaciyalıq funkciyası, atap aytqanda, $A(t)$ hám $B(t,s)$ bolatuǵın $X(t)$ Gauss processi bar boladı.