– evklidlik keńislikte regulyarlıq betliktiń Gauss iymekligi betliktiń iyiliwinde ózgermeydi. Atap aytqanda, Gauss iymekligi betliktiń birinshi kvadratlıq formasınıń koefficientleri hám olardıń tuwındıları arqalı ańlatıladı. Gauss teoreması evklidlik keńislikte betliktiń sırtqı iymekligi onıń ishki iymekligine teń bolatuǵının tastıyıqlaydı. Gauss teoreması K. Gauss tárepinen dálillengen (1827) hám ol bul teoremanı $\textit{theorema egregium}$ - «júdá jaqsı teorema» dep bahalaǵan.