– aytımlar esabındaǵı aytımlar ústindegi binarlıq ámel. Ápiwayı $p$ hám $q$ aytımlardan dúzilgen, «eger $p$ bolsa, onda $q$ boladı» kórinistegi aytım $p$ hám $q$ aytımlardıń implikaciyası delinedi, bul «$p \Rightarrow q$» kóriniste belgilenedi. $p \Rightarrow q$ implikaciya tek $p$ shın $q$ jalǵan bolǵanda ǵana jalǵan boladı. $p$ - implikaciya shárti delinse, $q$ - juwmaǵı delinedi. $p$ nı $q$ ushın jetkilikli, $q$ dı $p$ ushın zárúrli shárt dep te ataydı. Implikaciyanıń shınlıq kestesi: $$\begin{array}{|c|c|c|}\hline p & q & p \Rightarrow q \\\hline sh & sh & sh \\\hline sh & j & j \\\hline j & sh & sh \\\hline j & j & sh \\\hline\end{array}$$ Latınsha «$\textit{implicetio}$» - «shırmalıw», «qosılıp ketiw», «óriliw» degendi ańlatadı, bul sóz «$\textit{implico}$» - «tıǵız baylayman» degen sózden alınǵan.