– bazıbir processtiń grafikalıq súwretleniwindegi $V$ tóbelerdiń hám tártiplestirilmegen jáne tártiplestirilgen tóbeler juplarınıń $E$ toplamı menen birliktegi bos emes kópligi. Graf $\mathcal{G}(V,E)$ arqalı belgilenedi. Tártiplespegen tóbeler jubı graftıń qabırǵası dep, al tártiplesken tóbeler jubı - onıń doǵası delinedi. Graf matematikalıq túsiniklerdiń ayırım anıqlamalarında (basqarıwshı sistema, algoritm hám t.b.), Markov shınjırları teoriyasında, hár qıylı matematikalıq modellerdiń dúzilisinde hám bayanlanıwında, ekonomikada hám texnikada keńnen paydalanıladı.