– berilgen $a_{1},a_{2},...,a_{n}$ natural sanlarıdıń hárqaysısı bólinetuǵın sanlardıń úlkeni. Mısalı, 32 hám 48 sanlarınıń eń úlken ulıwma bóliwshisi 16. Berilgen birneshe sannıń eń úlken ulıwma bóliwshisin tabıw ushın ol sanlardı ápiwayı kóbeytiwshilerge jiklew kerek hám ulıwma kóbeytiwshilerdiń kishi dárejelerin alıp kóbeyme dúziw kerek. Mısal, $150=2\cdot 3\cdot 5^{2}$ hám $45=3^{2}\cdot 5$ eń úlken ulıwma bóliwshi $3\cdot 5=15$ boladı. Ulıwma jaǵdayda, eń úlken ulıwma bóliwshini tabıw ushın evklid algoritmi qollanıladı. Eger eki sannıń eń úlken ulıwma bóliwshisi 1 bolsa, onda ol eki san óz-ara ápiwayı sanlar dep ataladı.