– eń kóp taralǵan, tiykarı 10 bolǵan poziciyalıq esaplaw sisteması. Onlıq esaplaw sistemasında hámmesi bolıp 10 cifr bar: 0, 1, 2, 3, 4, 5, 6, 7, 8, 9. Jazıwda hám oqıwǵa qolaylıq ushın kópxanalı sanlardı ońnan solǵa qaray hár birinde úsh cifr boyınsha klasslarǵa bóledi (qarań: SANLAR KLASSLARÍ). Sanlardı aytıwdıń házirgi tártibi XVI-ásirden baslap qollanılmaqta. Onlıq sanaq sisteması V-ásirde Hindistanda kelip shıqtı. Bul sanaq sistemasınıń dunyaǵa tanılıwında hám keńnen taralıwında Muxammed al-Xorezmiydiń miynetleri úlken áhmiyetke iye boldı. Bul jumıslar XII-ásirde latın tiline awdarılıp, onlıq sanaq sisteması Evropaǵa taraldı.