– bul tegisliktiń yamasa keńisliktiń túrlendiriwi bolıp, bunda hár bir $A$ noqat $A_{1}$ noqatqa sonday bolıp ótedi, $AA_{1}$ kesindi $O$ noqatı arqalı ótip hám onıń menen teń ortalay bólinip, yaǵnıy $\overline{AO}=\overline{OA_{1}}$ bolıp, $O$ noqat $AA_{1}$ kesindiniń ortası boladı. Bul jaǵdayda $A$ hám $A_1$ noqatları $O$ noqatqa salıstırǵanda simmetriyalı delinedi. Eger keńislikte berilgen $F$ denesiniń hár bir noqatı $O$ noqatqa salıstırǵanda simmetriyalı noqatqa kóshse, bunday almastırıw $O$ noqatqa salıstırǵanda simmetriya dep ataladı. Noqatqa salıstırǵandaǵı simmetriya - qozǵalıs bolıp esaplanadı. Eger $F$ dene $O$ noqatqa salıstırǵanda simmetriyalı almastırıwda ózine kóshse, bunday dene oraylıq simmetriyalı dene dep ataladı.