– eger keńislikte $\overline{AO}=\overline{OA_1}$ bolsa, yaǵnıy $O$ noqatı $AA_1$ kesindiniń ortası bolsa, onda $A$ hám $A_1$ noqatları $O$ noqatına salıstırǵanda simmetriyalı delinedi. Eger keńislikte $F$ figuranıń hár bir noqatı $O$ noqatqa salıstırǵanda simmetriyalı noqatqa ótse, onda bunday túrlendiriw $O$ noqatqa salıstırǵanda simmetriyalı dep ataladı. Noqatqa salıstırǵanda simmetriya qozǵalıs boladı. Eger $O$ noqatqa salıstırǵanda simmetriyada $F$ figurası ózine ótse, onda onı oraylıq simmetriyalı figura dep ataydı. $O$ noqatı onıń simmetriya orayı delinedi. Máselen, parallelogramm oraylıq simmetriyalı figura bolıp tabıladı. Onıń simmetriya orayı -- dioganallarınıń kesilisiw noqatı boladı. Orayı $O$ naqatta bolǵan sheńber de simmetriya orayı $O$ bolǵan oraylı simmetriyalı figura bolıp esaplanadı. Bul keltirilgen figuralar-tegis figuralar. Keńisliktegi oraylıq simmetriyalı figuralarǵa kub, sfera, parallelepiped mısal bola aladı