– $A$ waqıyanıń itimallıǵı dep, tájiriybeniń bul waqıya júzege asıwına múmkinshilik tuwdıratuǵın nátiyjeler sanınıń tájiriybeniń múmkin bolǵan barlıq elementar nátiyjeleri sanına qatnasına aytıladı. Solay etip, $A$ waqıyanıń itimallıǵı $P(A)=\displaystyle\frac{m}{n}$ formulası menen anıqlanadı, bunda $m$ sanı degenimiz $A$ waqıyasına múmkinshilik tuwdıratuǵın elementar nátiyjeler sanı, al $n$ sanı tájiriybedegi múmkin bolǵan barlıq elementar nátiyjelerdiń sanı. Bul jerde elementar nátiyjeler tek bir múmkinshilikli hám teń imkaniyatlı dep uyǵarıladı. Itimallıqtıń anıqlamasınan onıń tómendegi qásiyetleri kelip shıǵadı: 1. Isenimli $A$ waqıyanıń itimallıǵı 1 ge teń: $P(A)=1.$ 2. Múmkin emes $A$ waqıyanıń itimallıǵı nolge teń: $P(A)=0.$ 3. Tosınanlı $A$ waqıyanıń itimallıǵı nol menen birdiń arasında jaylasqan san boladı, yaǵnıy $0<P(A)<1.$