– haqıyqıy $a$ sanı menen tómendegishe anıqlanǵan hám $|a|$ belgisi menen belgilenetuǵın teris emes san: $$|a|=\left\{\begin{array}{ll} a, & \text{eger} \ a\ge 0 \ \text{bolsa}, \\ [1mm]-a, & \text{eger} \ a< 0 \ \text{bolsa}.\end{array}\right.$$ Mısalı: $|3|=3$, $|0|=0$, $|-3,1|=3,1$. Absolyut shamanıń qásiyetleri: 1) $|a|=|-a|$; 2) $|a+b|\le |a|+|b|$; 3) $|a-b|\ge |a|-|b|$; 4) $|ab|=|a|\cdot|b|$; 5) $\left|\dfrac{a}{b} \right|=\dfrac{|a|}{|b|}$, bunda $b\neq 0$; 6) $|a|^2=|a^2|=a^2$. Geometriyalıq jaqtan $a$ sanınıń absolyut shaması koordinatalıq tuwrıda koordinata basınan $a$ sanın súwretleytuǵın noqatqa shekemgi kesindiniń uzınlıǵın ańlatadı. Absolyut shama belgisin matematikaǵa 1841-jılı K. Veyershtrass kirgizgen.