– ultanları parallelogramm bolǵan prizma. Qaptal qabırǵaları yamasa jaqları ultan tegisligine perpendikulyar bolǵan parallelepiped tuwrı parallelepiped dep, al keri jaǵdayda - qıya parallelepiped dep ataladı. Parallelelipedtiń ultanları arasındaǵı aralıq onıń biyikligi delinedi. Ultanları tuwrımúyeshlik bolǵan tuwrı parallelepiped tuwrı múyeshli parallelepiped dep ataladı. Bir tóbeden shıǵıwshı $a,b,c$ qabırǵalarınıń hár biriniń uzınlıǵı tuwrı múyeshli parallelepipedtiń ólshemleri delinedi. Parallelepipedtiń bir jaǵına tiyisli bolmaǵan eki tóbesin tutastırıwshı kesindini onıń diagonalı dep ataydı. Tuwrımúyeshli parallelepipedtiń $d$ diagonalınıń kvadratı onıń $a$, $b$ hám $c$ ólshemleriniń kvadratlarınıń qosındısına teń: $d^2=a^2+b^2+c^2$.