– 1) Teńlemedegi, teńlemeler sistemasındaǵı yamasa integraldaǵı izleniwshi (belgisiz) retinde qarastırılmaytuǵın, al kerisinshe sheshim yamasa integral usı shamadan ǵárezli túrde izlenetuǵın ózgeriwshi yamasa turaqlı shama. 2) Bazıbir matematikalıq obyektti xarakterleytuǵın turaqlı shama. 3) Matematikalıq obyektti anıqlawshı basqa shamalar ǵárezli bolatuǵın járdemshi ózgermeli shama.