– $ABC$ úymúyeshliginiń tegisliginde jatqan hám onıń hesh bir tóbesi arqalı ótpeytuǵın $a$ tuwrı sızıǵı $AB$ tárepindegi noqattan ótse, onda bul $a$ tuwrı sızıǵı $AC$ kesindisiniń noqatınan yamasa $BC$ kesindisiniń noqatınan ótedi. Basqasha aytqanda, eger tuwrı sızıq úymúyeshliktiń tárepleriniń birewin kesip ótse, onda ol úymúyeshliktiń basqa bir tárepin de kesip ótiwi tiyis. Pash aksioması elementarlıq geometriya kursın, dara jaǵdayda, planimetriyanı aksiomatikalıq túrde (deduktivlik, qatań logikalıq túrde) dúziwde áhmiyetli aksiomalardıń biri bolıp tabıladı. Pash aksioması geometriyanı aksiomatikalıq tiykarlawdı izertlewge baslama salǵan birinshi matematiklerdiń biri bolǵan nemec matematigi Pashtıń húrmetine solay atalǵan.