– Pifagor teoreması menen baylanıslı bolǵan, algebralıq formada $x^{2}+y^{2}=z^{2}$ kóriniste ańlatılatuǵın teńleme. Pifagor teńlemesi pútin sanlarda tómendegi sheshimge iye: $x=2abn$, $y=(b^{2}-a^{2})n$, $z=(b^{2}+a^{2})n,$ bunda $n\in N,$ $a$ hám $b$ - qálegen óz-ara ápiwayı sanlar, sonıń menen birge, $b>a.$ Bul teńlemeniń $a$ taq bolǵanda $a,$ $\displaystyle\frac{a^{2}-1}{2},$ $\displaystyle\frac{a^{2}+1}{2}$ sheshimin (Pifagor tárepinen tabılǵan) hám $a$ ekiden úlken jup san bolǵanda $a,$ $\displaystyle\frac{a^{2}}{4}-1,$ $\displaystyle\frac{a^{2}}{4}+1$ sheshimin de (Platon tapqan) kórsetiw múmkin.