– tuwrımúyeshli úshmúyeshliktiń tárepleri arasındaǵı sanlıq qatnastı ornatıwshı teorema: gipotenuzanıń uzınlıǵınıń kvadratı katetleriniń uzınlıqlarınıń kvadratlarınıń qosındısına teń (qısqasha aytqanda: gipotenuzanıń kvadratı katetler kvadratlarınıń qosındısına teń). Geometriyalıq formada Pifagor teoreması tómendegishe ańlatıladı: tuwrımúyeshli úshmúyeshliktiń gipotenuzasına jasalǵan kvadrattıń maydanı katetlerde jasalǵan kvadratlardıń maydanlarınıń qosındısına teń. Pifagor teoreması geometriyalıq formada Pifagordan $1000$ jılday burın áyyemgi Vavilonda belgili bolǵan. Házirgi waqıtta Pifagor teoremasınıń $100$ den artıq hár qıylı dálilleniwleri belgili.