– eń keminde bir teńlemesi irracional teńleme bolǵan sistema. Bunday sistemanı sheshiw ushın aldın ala sistema teńlemeleriniń hár biri bir yamasa birneshe anaǵurlım ápiwayı teń kúshli teńlemeler menen almastırıladı, al ayırımları ádettegi racional sistemalarday bolıp sheshiledi. Solay etip, irracional teńlemeler sistemaların sheshiw teń kúshli sistemalarǵa yamasa olardıń saldarlarına ótiw qaǵıydalarına tiykarlanǵan. Irracional teńlemeler sistemaların sheshiwdiń hár qıylı usılları paydalanıladı: kóbeytiwshilerge jiklew, ózgeriwshilerdi joǵaltıw, algebralıq qosıw, ózgeriwshilerdi almastırıw hám t.b. usıllar qollanıladı.