– eger $f\left( x \right)$ hám $g\left( x \right)$ lar racional ańlatpalar bolsa, onda $f\left( x \right) = g\left( x \right)$ teńlemesi racional teńleme dep ataladı. Sonıń menen birge, eger $f\left( x \right)$ hám $g\left( x \right)$pútin ańlatpalar bolsa, onda bunday teńleme pútin racional teńleme dep ataladı; eger $f\left( x \right)$ hám $g\left( x \right)$ ańlatpalarınıń birewi bólshek bolıp kelse, onda $f\left( x \right) = g\left( x \right)$ racional teńlemesi bólshek racional teńleme delinedi. Racional teńlemelerdi sheshiw ushın tómendegilerdi islew kerek: 1) teńlemede bar bólsheklerdiń barlıǵınıń eń kishi ulıwma bólimin tabamız; 2) teńlemeniń eki jaǵın da eń kishi ulıwma bólimge kóbeytiw arqalı berilgen teńlemeni pútin teńlemege alıp kelemiz; 3) kelip shıqqan pútin teńlemeni sheshemiz; 4) tabılǵan korenlerdiń ishinen ulıwma bólimdi nolge aylandıratuǵınların shıǵarıp taslaymız.