– $a<x<b$ teńsizligin qanaatlandıratuǵın haqıyqıy sanlar kópligi. Bunda $a$ hám $b$ haqıyqıy sanlar bolıp, olar intervaldıń shetki noqatları dep ataladı. $x_0=\displaystyle\frac{1}{2}(a+b)$ sanı intervaldıń orayı dep ataladı. Ol $]a,\, b[$ yamasa $(a,\, b)$ dep belgilenedi. Oń $b-a$ sanı san tuwrısınıń intervalınıń uzınlıǵı dep ataladı. San tuwrısınıń intervalı ashıq aralıq boladı. Bazıbir waqıtları yarım ashıq aralıqlar da qaraladı, olardı yarım intervallar dep ataydı hám $[a,\, b[$\,, $]a,\, b]$ yamasa $[a,\, b)$, $(a,\, b]$ dep belgileydi. Sonday-aq, matematikada san tuwrısınıń sheksiz intervalları da qaraladı, mısalı, $[a,\, +\infty)$ - ashıq san nurı, $(-\infty,\, +\infty)$ - san tuwrısı. San tuwrısınıń intervalın $|x-x_0|<\delta$ teńsizligi menen de anıqlaw múmkin, bunda $x_0$ - san tuwrısınıń intervalınıń orayı, al $2\delta$ - onıń uzınlıǵı. San tuwrısınıń bunday intervalı $x_0$ noqatınıń $\delta$-dógeregi dep ataladı. San tuwrısınıń intervalı qısqasha túrde interval dep ataladı.