– 1) Eger $a<b$ hám $b<c$ bolsa, onda $a<c.$ 2) Eger $a<b$ hám $c$ - qálegen san bolsa, onda $a+c<b+c.$ 3) Eger $a<b$ hám $c$ - oń san bolsa, onda $ac<bc.$ Eger $a<b$ hám $c$ teris san bolsa, onda $ac>bc.$ 4) Eger $a$ hám $b$ - oń sanlar hám $a>b$ bolsa, onda $\dfrac{1}{a}<\dfrac{1}{b}$ boladı. 5) Eger $a<b$ hám $c<d$ bolsa, onda $a+c<b+d.$ 6) Eger $a,b,c,d$ - oń sanlar bolǵanda $a<b$ hám $c<d$ teńsizlikleri orınlı bolsa, onda $ac<bd$ teńsizligi orınlı. Solay etip, sol hám oń jaqları oń sanlar bolǵan birdey belgige iye durıs teńsizlikler aǵzama-aǵza kóbeytilse, onda durıs teńsizlik alınadı. 7) Eger $a$, $b$ sanları oń hám $a<b$ bolsa, onda $a^{n}<b^{n}$ ($n$ - natural san) teńsizligi orınlı.