– $a$ sanınıń $n$-dárejeli koreni dep, $n$-dárejesi $a$ sanına teń bolatuǵın $x$ sanına, yaǵnıy ${{x}^{n}}-a=0$ teńlemesiniń korenine aytamız, bunda $n\in{N},$ $a$ - qálegen san. Ekinshi dárejeli $(n=2)$ koren kvadratlıq koren dep, al úshinshi dárejeli koren $(n=3)$ kublıq koren dep ataladı. $a$ sanınıń $n$-dárejeli koreni kompleks sanlar maydanında $n$ mániske iye boladı. Teris emes sannıń koreniniń teris emes mánisi arifmetikalıq koren dep ataladı.