– 1) TEGISLIKTEGI SEKTOR - bul figuranıń ishki noqatınan shıǵıwshı eki nur hám konturdıń doǵası menen shegaralanǵan tegis figura. Dóńgelektiń sektorı - bul dóńgelektiń eki radiusı hám olar tirelgen doǵa menen shegaralanǵan figura. Dóńgelektiń sektorınıń maydanı $S=\dfrac{lr}{2}$ yamasa $S=\dfrac{\pi r^{2}}{360^{\circ}}\cdot \alpha$ formulaları menen anıqlanadı, bunda $l$ - doǵanıń uzınlıǵı, $\alpha$ - usı doǵaǵa sáykes keliwshi graduslarda ólshengen oraylıq múyesh, $r$ - dóńgelektiń radiusı. 2) KEŃISLIKTEGI SEKTOR - bul deneniń bir bólegi bolıp, ol bólek tóbesi dene ishinde bolǵan konus beti hám bul deneniń konus beti kesip ajıratqan beti menen shegaralanadı. Mısalı, shar sektorı.