– $A_0 A_1$, $A_1 A_2$, $...$, $A_{n-1}A_n$ kesindileriniń hár qaysısınıń aqırǵı noqatı kelesi kesindiniń dáslepki noqatı menen betlesetuǵın hám qońsılas kesindiler bir tuwrınıń boyında jatpaytuǵın birlespesi; sınıq sızıq $A_0A_1A_2...A_{n-1}A_n$ túrinde belgilenedi. $A_0$ noqatı sınıq sızıqtıń dáslepki noqatı, al $A_n$ aqırǵı noqatı dep ataladı. $A_0, A_1, ...,A_n$ noqatlar sınıq sızıqtıń tóbeleri, al $A_0 A_1,$ $A_1 A_2,$ $...,A_{n-1}A_n$ kesindileri sınıq sızıqtıń buwınları dep ataladı. Buwınlardıń uzınlıqlarınıń qosındısı sınıq sızıqtıń uzınlıǵı dep ataladı. Eger sınıq sızıqtıń barlıq buwınları bir tegislikte jatsa, onda ol tegis sınıq sızıq dep ataladı, al buwınları bir tegislikte jatpasa ol keńisliktegi sınıq sızıq dep ataladı.