– $a<x<b$ intervalındaǵı $f(x)$ funkciyasınıń barlıq dáslepki funkciyalarınıń toparı. Anıq emes integral $\int f(x)dx$ simvolı menen belgilenedi. Demek, $\int f(x)dx=F(x)+C$. Bul jerde $F(x)$ funkciyası $f(x)$ tıń dáslepki funkciyası, $C$ - ıqtıyarlı turaqlı san, $\int$ - integral belgisi, $f(x)$ - integral astındaǵı funkciya, $f(x)dx$ - integral astındaǵı ańlatpa delinedi. Anıq emes integral tómendegi qásiyetlerge iye: 1) $\int\alpha f(x)dx=\alpha\int f(x)dx,$ bunda $\alpha$ - turaqlı san; 2) $\int[f(x)+g(x)]d(x)=\int f(x)dx+\int g(x)dx;$ 3) $\int f(x)g'(x)dx=f(x)g(x)-\int g(x)f'(x)dx$ (bóleklep integrallaw formulası).