– mazmunı qanday obektler ushın anıqlanıwınan ǵarezli bolǵan geometriyalıq túsinik. Eki noqat arasındaǵı aralıq - olardı tutastırıwshı tuwrı kesindisiniń uzınlıǵı. Noqattan tuwrıǵa (yamasa tegislikke) shekemgi aralıq - berilgen noqattan berilgen tuwrıǵa (tegislikke) túsirilgen perpendikulyardıń kesindisiniń uzınlıǵı. Eki parallel tuwrılar (tegislikler) arasındaǵı aralıq - usı tuwrılarǵa (tegisliklerge) júrgizilgen ulıwma perpendikulyardıń kesindisiniń uzınlıǵı. Keńisliktegi ayqasıwshı tuwrılardıń ulıwma perpendikulyarınıń uzınlıǵı olar arasındaǵı aralıq delinedi. Bul aralıq sol tuwrılar arqalı ótiwshi parallel tegislikler arasındaǵı aralıqqa teń.