– $y=kx+b$ túrindegi funkciya, bunda $x$ - ǵárezsiz ózgeriwshi, $k$ hám $b$ - bazıbir sanlar. Sızıqlı funkciyanıń anıqlanıw oblastı barlıq haqıyqıy sanlar kópligi boladı. Sızıqlı funkciyanıń grafigi tuwrı sızıq boladı. Onı jasaw ushın grafiktiń eki noqatınıń koordinataların tabıw, bul noqatlardı koordinatalıq tegislikte belgilew hám olar arqalı tuwrı júrgiziw jetkilikli. $y=kx+b$ formuladaǵı $k$ sanı tuwrınıń múyesh koefficienti dep ataladı. Sızıqlı funkciya $k>0$ bolǵanda ósiwshi, al $k<0$ bolǵanda kemiwshi boladı. Tuwrı proporcionallıq - sızıqlı funkciyanıń dara jaǵdayı ($b=0$, $k\neq 0$ bolǵanda).