– bul aksiomalar sisteması planimetriya aksiomalarınan (qarań: PLANIMETRIYA AKSIOMALARÍ) hám tegisliklerdiń keńisliktegi tiykarǵı qásiyetlerin ańlatatuǵın aksiomalar toparınan ibarat: 1) Tegislik qanday bolmasın, sol tegislikke tiyisli noqatlar hám oǵan tiyisli bolmaǵan noqatlar da bar. 2) Eger eki túrli tegislik ulıwma noqatqa iye bolsa, onda olar tuwrı sızıq boyınsha kesilisedi. 3) Eger eki túrli tuwrı sızıq ulıwma noqatqa iye bolsa, onda olar arqalı bir hám tek bir ǵana tegislik ótkeriw múmkin. Planimetriyada qaralatuǵın hámme figuralar jaylasatuǵın bir tegislikke iye edik. Al, stereometriyada tegislikler kóp, hátte sheksiz kóp. Usıǵan baylanıslı planimetriyanıń bazıbir aksiomalarınıń ańlatılıwı anıqlastırıwdı talap etedi.