– algebralıq ámellerdiń (qosıw, alıw, kóbeytiw, bóliw, pútin dárejege kóteriw hám pútin kórsetkishli koren shıǵarıw ámelleriniń) belgileri arqalı biriktirilip, hárip hám sanlardan dúzilgen ańlatpa. Algebralıq ańlatpa racionallı hám irracionallı ańlatpa bolıp bólinedi. Eger algebralıq ańlatpada sanlar hám háriplerdiń koren belgileri (radikallar) qatnaspasa, bunday ańlatpa racionallı ańlatpa, al ańlatpada radikallar qatnassa irracionallı ańlatpa dep ataladı. Eger racionallı ańlatpada háripli ańlatpaǵa bóliw ámeli qatnaspasa, onda ol pútin algebralıq ańlatpa delinedi. Bul terminniń ornına sońǵı gezde ózgeriwshili ańlatpa termini kóbirek qollanıladı.