– eki kópaǵzalınıń qatnası: $\displaystyle{\frac{P(x, y, ..., z)}{Q(x, y, ..., z)}}$. Onıń anıqlanıw oblastı bólshektiń bólimin nolge aylandırmaytuǵın barlıq $x, y, ..., z$ mánislerinen ibarat. Bir $x$ ózgeriwshili algebralıq bólshek $\displaystyle\frac{f(x)}{g(x)}=\displaystyle\frac{a_0x^n+a_1x^{n-1}+...+a_n}{b_0x^m+b_1x^{m-1}+...+b_m}$ túrine iye boladı. Algebralıq bólshektiń tiykarǵı qásiyeti: eger alımın hám bólimin nolden ózgeshe bir hám sol sanǵa kóbeytken menen algebralıq bólshektiń mánisi ózgermeydi. Eger alımınıń dárejesi bóliminiń dárejesinen kishi bolsa, onda algebralıq bólshek durıs bólshek dep ataladı, al qalǵan jaǵdaylarda ol nadurıs bólshek delinedi.