– bul $P(x)=0$ túrindegi teńleme durıs sanlıq teńlikke aylanatuǵın $x$ mánisleriniń kópligi. Teńlemeniń korenleri ózgeriwshiniń tek múmkin bolǵan mánisleri bolıwı múmkin, biraq ózgeriwshiniń hár qanday múmkin bolǵan mánisi teńlemeniń koreni bola bermeydi. $n$-dárejeli algebralıq teńleme $n$ korenge iye, olardıń ishinde teń korenler de bolıwı múmkin, bunday korenler eseli korenler delinedi. Eger $x=x_{0}$ $k$ márte qaytalansa, onda ol $k$ eseli koren delinedi, bunda $1\le k\le n.$ Mısalı, $(x-2)^{3}=0$ teńleme úsh eseli $x=2$ korenge iye. Teńleme koreni termini tek bir ózgeriwshili qálegen dárejeli bir teńlemege ǵana qollanıladı, al teńlemeler sistemasına qollanılmaydı. Teńlemeler sisteması ushın sheshim termini qollanıladı. Teńlemeniń korenleri kópligi bir sannan yamasa birneshe sanlardan ibarat bolıwı, yamasa bos kóplik, yamasa sheksiz kóplik bolıwı múmkin.